CT SCAN
O lenei masini e fai ai faa'ata faapitoa i le falemai tele o Tupua Tamasese Meaole Hospital i Motootua, sa faatauina e le Faalapotopotoga o Taui mo Faalavelave Faafuasei (ACC) e fesoasoani ai i le auaunaga faasoifua maloloina. Ua avea ose vaega o auaunaga a lenei Faalapotopotoga mo le mamalu lautele o si o tatou atunuu e moomia ai lenei auaunaga aua le soifua maloloina lelei o tagata nuu uma o Samoa.
AMBULANCE
O se tasi o auaunaga lautele a le Faalapotopotoga o Taui mo Faalavelave Faafuase'i (ACC) sa faatauina mai ai ni taavale lavea'i se lua (Ambulance) ma se isi taavale se tasi e fesoasoani atili i auaunaga faafesoasoani muamua mo le mamalu ole atunuu e valaau au ane ile 911 mo se fesoasoani ona oni faalavelave faafuasei e tulai mai.
FUGALEI MARKET
O le Maketi i Fugalei o se tasi lea o auaunaga a le Faalapotopotoga o Taui mo Faalavelave Faafuase'i (ACC) mo le mamalu lautele o le atunuu mo fefaatauaiga. O se auaunaga ua molimauina le aoga tele mo tagata faifaatoaga aemaise tagata faipisinisi laiti. O se auaunaga foi ua molimauina lona aoga tele i le atinaaeina o le tamaoaiga o Samoa ma ona tagata nuu.
ACC COMPLEX (Goldstar)
O se tasi o auaunaga lautele a le Faalapotopotoga o Taui mo Faalavelave Faafuase'i (ACC) sa faatauina ai lenei fale i totonu o le fatu ole taulaga ma le faamoemoe ia aoga mo le mamalu ole atunuu i ana fefaatauaiga aemaise nisi o faipisinisi tumaoti e faatino ai a latou atinaae aua le mamalu lautele o le atunuu. Ua molimauina le faatumulia o lenei nofoaga i le mamalu ole atunuu mo faatauga.
SAMOA FOOD COURT
O le faleaiga lenei o se tasi lea o auaunaga a le Faalapotopotoga o Taui mo Faalavelave Faafuase'i (ACC) e tua iai le mamalu o le atunuu e autova'a atu i le Maketi i Fugalei mo fefaatauaiga aua se fofoga taumafa mo se faasiliga malosi.O se atinaae foi ua fesoasoani foi i le au fai pisinisi laiti aua lava lo latou sao taua i le atinaae o le tamaoaiga o Samoa aemaise ai se faasiliga malosi mo le mamalu ole atunuu.